Ауыл мектептерінің 9–11 сынып оқушыларына арналған жалпы білім беретін пәндер бойынша республикалық олимпиаданың облыстық кезеңі 2025 жылдың 25–26 қазан аралығында өтті.
Мектебімізден қатысқан оқушылар өз білімдерін жоғары деңгейде көрсетіп, жүлделі орындардан көрінді. Барлығы 5 оқушы жүлдегер атанып, мектебіміздің мерейін үстем етті. Әсіресе, 11-сынып оқушысы Ильин Никита ағылшын тілі пәнінен I орын алып, облыс намысын қорғайтын республикалық кезеңге жолдама алды. Бұл – мектеп үшін үлкен жетістік әрі мақтаныш.
Оқушыларды білім шыңына жетелеуде аянбай еңбек еткен ұстаздардың еңбегін ерекше атап өткен жөн. Сондай-ақ, әрбір жетістіктің артында қолдау көрсетіп, сенім сыйлаған ата-аналардың еңбегі де зор. Мектеп әкімшілігі тарапынан барша ұстаздар мен ата-аналарға шынайы алғыс білдіріледі.
Жүлдегерлер тізімі:
- Ильин Никита – I орын, ағылшын тілі, 11 сынып (Калиева Д.К.)
- Дуненбаева Руслана – II орын, биология, 11 сынып (Қайыртас А.С.)
- Пашутин Максим – III орын, математика, 10 сынып (Султангазинова С.В.)
- Сагайдак Диана – III орын, орыс тілі мен әдебиеті, 9 «А» сынып (Середа А.А.)
- Гузий Матвей – III орын, орыс тілі мен әдебиеті, 9 «А» сынып (Середа А.А.)
Бұл жетістіктер – мектептегі сапалы білімнің, тынымсыз еңбектің және оқушылардың жемісі. Алда өтетін республикалық кезеңде де жоғары нәтижелерге қол жеткізулеріне тілектеспіз!
